一般家庭傳統上一定選用氣體爐,因為冬天一定足夠熱水用,唔洗等煲水。
缺點:水壓低會時冷時熱或息火,燃料帳單貴。

另一近年多人用係三相即熱爐,
優點: 即熱足夠熱水使用。
缺點: 一定要三相電供應,唔係每度屋苑都有。

但係住舊樓啲家庭點算,一般因為無三相電供應,一定係用氣體爐或單相儲水式電爐。

單相儲水式電爐優勢: 電費比較氣體燃料費平唔少。
缺點:一般得3KW功率,冬天煲水耐要20分鐘至半小時,買容積小嘅好快又會用哂熱水。

而家大陸電熱水爐市場開始流行速熱式熱水爐。

速熱式熱水爐係什麼來?
專俾只有單相供電的屋企使用,一般電力公司入屋供應電流有已可以使用。速熱式其實係小容積儲水式熱水爐,但係加熱功率係5-6KW,係普通單相3KW嘅double, 速熱式嘅加熱速度係介乎即熱式和單相儲水式。

速熱式熱水爐優點:
體積小(10-15L),加熱唔慢,夏天只需要3分鐘,冬天一般5-7分鐘可以燒到75度,一路沖熱水一路加熱(恆溫),基本上唔會差氣體爐太遠。
唔會浪費太多剩餘熱水,一般儲水式最後一人用完之後會有熱水用剩,因為速熱式容積小,浪費有限。
安裝相對氣體爐容易,主要係接電及接水喉

缺點:唔係即熱即開即用,出水量低於氣體爐或三相爐。

速熱式熱水爐安裝要求:
一般功率係5-6KW,使用電流約25A,因為如果再大功率電線及電力供應會支持不了,最少需要2.5mm平方粗電線,最好4平方,一定要獨立線路,不能使用插頭,電箱要獨立開關MCB(32A),一般電熱水爐用20A。